कैदीसँग अवैध यौन सम्पर्क गर्ने महिला अधिकारी जेलमा

एजेन्सी । जेलमा बन्द रहेका कैदीसँग शारीरिक सम्बन्ध बनाउने र प्रेम पत्र आदानप्रदान गर्ने महिला जेल अधिकारीलाई कानुनी कारबाही गर्नुका साथै जेल पठाइएको छ ।लण्डनकी सिन्डी बेकर नाकी महिला अधिकारीलाई कानुन तोडेर कैदीका साथ यौन सम्बन्ध राखेको र प्रेम पत्र आदान प्रदान गरेको आरोपमा कारबाही गरिएको हो । एक कैदीले महिला अधिकारी र अर्को कैदीबीच शारीरिक सम्बन्ध भएको बताएपछि घटना सार्वजनिक भएको हो ।

प्रहरी अनुसन्धानका क्रममा प्रेम पत्र समेत भेटिएको हो । मिरर न्युजका अनुसार उक्त उजुरी आएपछि २५ वर्षीय ती महिला अधिकारीको बेड रुममा खानतलासी गरेको थियो । खानतलासीका क्रममा प्रेम पत्र समेत भेटिएको हो ।

ती कैदी सन् २००९ देखि हत्या आरोपमा जेलमा रहेका छन् । उनीहरु दुवैले प्रेम पत्रमा रोमान्चक र यौनउत्तेजक शब्दहरु लेखेको सुनुवाईका क्रममा अदालतले जनाएको छ ।आरोपी महिला अधिकारीले कैदीलाई जेलमा नै फोन र लागु पदार्थ उपलब्ध गराएको आरोप छ । सुनुवाईका क्रममा उनले उक्त आरोपको खण्डन गरेकी छन् । उनको पहिलो श्रीमान्तीर ७ वर्षीय बच्चा समेत रहेको छ ।